17 лютага 2023 г. у рамках правядзення рэспубліканскай дэкады грамадзянска-патрыятычных спраў “Афганістан у лёсах нашых землякоў” для навучэнцаў 11 класа праведзена класная гадзіна ў форме ўрока мужнасці “Мае землякі-афганцы”.

Класны кіраўнік Мархалюк А.З. пазнаёміла з былымі выпускнікамі Вердаміцкай сярэдняй школы, якія прымалі ўдзел у Афганскай вайне 1979-1989 гг. Падчас мерапрыемства навучэнцы класа зачытвалі інтэрв’ю з воінамі- інтэрнацыяналістамі. Гэта дапагло даведацца школьнікам пра баявыя і гераічныя старонкі ваеннага жыцця былых выпускнікоў школы.

Вучні зачыталі пісьмы да бацькоў з Афганістана загінулага выпускніка Залеўскага Уладзіміра Аляксандравіча, праглядзелі відэафільм, які зняты ў гонар ушанавання памяці воіна-афганца.

Урок мужнасці закончыўся мінутай маўчання.