24 лютага 2022г. для навучэнцаў 8-11 класаў прайшло чарговае паседжанне “ШАГ” на тэму “Гонар за Беларусь. На стражы нацыянальнай бяспекі і суверэнітэту”. Вучні працавалі з трыма блокамі інфармацыі. Падчас першага блока пазнаёміліся з інфармацыяй пра Узброеныя Сілы Рэспублікі Беларусь. Галась Юлія падрыхтавала матэрыял з прэзентацыяй пра склад Узброеных Сіл і ўкамплектаванасць ваеннай тэхнікай. Падчас абмеркавання вучні адзначылі, што галоўнае дасягненне нашай арміі – гэта мір на беларускай зямлі.

Пасля прагляду ўрыўка з фільма пра пагранічную службу Пасевіч К. пазнаёміла з асаблівасцямі пагранічнай службай РБ, расказала пра новы закон “Пра мытнае рэгуляванне ў Рэспубліцы Беларусь”.

Курбат Д. пазнаёміў з асаблівасцямі МНС у РБ, расказала пра гісторыю станаўлення службы. Зацікавіў навучэнцаў прагледжаны фільм “Пражыць адно жыццё – выратаваць тысячу”. Вучні адзначылі эфектыўнасць дзяржаўнай сістэмы па парэджанні і ліквідацыі надзвычайных сітуацый, прафесіяналізм выратавальнікаў.