30 мая ў школе адбылася лінейка, прысвечаная апошняму званку. На свяце прысутнічалі выпускнікі, навучэнцы, настаўнікі, бацькі і госці: Салавей Алена Эдвардаўна - старшыня Вердаміцкага сельскага выканаўчага камітэта, Матысік Надзея Мікалаеўна – метадыст дзяржаўнай установы адукацыі “Свіслацкі вучэбна-метадычны кабінет", якія прыйшлі правесці выпускнікоў на вялікую дарогу жыцця.

Вядучымі на свяце развітання са школай былі Вясна і Званок. Выпускнікі атрымалі шмат пажаданняў ад дырэктара школы Грунюшкіна Алега Мікалаевіча, класнага кіраўніка 11 класа Грыка Алены Аляксандраўны, першай настаўніцы Шастапалавай Таццяны Аляксееўны, бацькоў, гасцей і першакласнікаў. Права даць апошні званок было прадастаўлена выпускніку Валанцею Міхаілу і вучаніцы 1 класа Мінько Юліі. Словы віншавання атрымалі і дзевяцікласнікі. Вучням 1-8, 10 класаў пажадалі правесці летнія канікулы з карысцю для сябе і сваіх бацькоў.