З мэтай фарміравання ў навучэнцаў аб’ектыўнага ўяўлення аб укладзе беларускага народа ў Перамогу ў Вялікай Айчаннай вайне 1941-1945гг., аб гераічнай спадчыне народа як важнейшым складніку гістарычнай памяці, аб генацыдзе беларускага народа, выхавання паважных адносін да гістарычнага мінулага для вучняў 10-11кл. 02.05.2022г. праведзены ўрок Памяці “Нам гэты мір завешчана берагчы”.

Падчас урока вучні пазнаёміліся з асноўнымі этапамі вайны. Курбат Д., вучань 10кл., расказаў пра пачатак вайны, Борыс У., вучаніца 10кл., пазнаёміла з асаблівасцямі партызанскага руху і падпольнай барацьбы на акупіраванай тэрыторыі Беларусі.

З цікавасцю вучні прагледзелі відэаролік “Беларусь помніць” і відэа “Вызваленне Беларусі”.

Падчас абмеркавання вучні актыўна адказвалі на пытанні, расказвалі пра справы, якія дапамагаюць захаваць памяць пра падзеі і герояў вайны.

Памяць загінулых ушанавана хвілінай маўчання.

На ўроку прысутнічаў дацэнт кафедры фізічнага выхавання і спорту УА ГДАУ Сняжыцкі Павел Уладзіміравіч, які нагадаў вучням пра важнасць захавання міру ў нашай краіне. У дыялогу з вучнямі звярнуў увагу на тое, што патрыятызм пачынаецца з адносін да блізкіх людзей і ўшанавання памяці пра сваіх былых родзічаў. Павел уладзіміравіч адказаў на пытанні вучняў і пажадаў ім мірнага і шчаслівага суіснавання.